ಗುರುಗ್ರಹಕ್ಕಿಂತಲೂ 12 ಪಟ್ಟು ದೊಡ್ಡದಾಗಿ, ಗುರುಗ್ರಹಕ್ಕಿಂತ120 ಪಟ್ಟು ಅಗಲವಾಗಿರುವ ಹಾಗೂ ತನ್ನ ವಾತಾವರಣದಲ್ಲಿ ಬರೀ ಅನಿಲವನ್ನು ತುಂಬಿಕೊಂಡಿರುವ ದೈತ್ಯಗ್ರಹವೊಂದು ಭೂಮಿಯಿಂದ325 ಜ್ಯೋತಿರ್ವರ್ಷ ದೂರದಲ್ಲಿದ್ದು ನಮ್ಮ ಸೌರವ್ಯೂಹದಿಂದಾಚೆ ಇರುವ ಬೇರೆ ನಕ್ಷತ್ರವ್ಯೂಹ ವ್ಯವಸ್ಥೆಯಲ್ಲಿ ಪತ್ತೆಯಾಗಿರುವುದು ಖಗೋಳವಿಜ್ಞಾನಿಗಳ ಮೆದುಳಿಗೆ ಮೇವು ಕೊಟ್ಟಿದೆ. ಭೂಮಿಯಿಂದ ಸುಮಾರು 325 ಜ್ಯೋತಿರ್ವರ್ಷ ದೂರವಿರುವಬೀಟಾಸೆಂಟಾರಿ ಎಂಬ ನಕ್ಷತ್ರಪುಂಜ ವ್ಯವಸ್ಥೆಯಲ್ಲಿನ ಎರಡು ನಕ್ಷತ್ರಗಳನ್ನು ಹೊಸಗ್ರಹವು ಪರಿಭ್ರಮಣೆ ಮಾಡುತ್ತಿದೆ ಎಂದು ಗೊತ್ತಾಗಿದೆ. ಇದೊಂದು ಖಗೋಳವಿಜ್ಞಾನಿಗಳಿಗೆ ಸವಾಲೇ ಸರಿ. ಇದನ್ನುಏಕ್ಸೋಪ್ಲಾನೆಟ್ ಎಂತಲೂ ಕರೆಯಲಾಗಿದೆ.
ಆಕಾಶಕಾಯಗಳ ಉಗಮ ಮತ್ತು ವಿಕಸನಕ್ಕೆ ಸಂಬಂಧಿಸಿದಂತೆ ಖಗೋಳವಿಜ್ಞಾನಿಗಳ ಕಲ್ಪನೆಗೂ ಸವಾಲೆಸೆಯುವ ವಿಶೇಷ ಹೊರಗ್ರಹವಾಗಿದೆ. ಗುರುಗ್ರಹದ ಕಕ್ಷೆಗಿಂತಲೂ ವಿಶಾಲವಾದ ಕಕ್ಷೆಯಲ್ಲಿ ಎರಡು ನಕ್ಷತ್ರಗಳನ್ನು ಸುತ್ತುತ್ತಿರುವ ವಿಚಾರ ಎಲ್ಲರ ನಿದ್ದೆಗೆಡಿಸಿದೆ.ನೇಚರ್ ಜರ್ನಲ್ ಪತ್ರಿಕೆಯ ಪ್ರಕಾರ ಈ ರೀತಿಯ ವಿಶೇಷ ಗ್ರಹದ ಪತ್ತೆಮಾದಿರುವ ಖಗೋಳವಿಜ್ಞಾನಿಗಳು ತಮ್ಮ ಸಂಶೋಧನೆಗಳನ್ನು ಮುಂದುವರೆಸಿದ್ದಾರೆ. ಈ ಹೊಸಗ್ರಹವು ನಮ್ಮ ಸೂರ್ಯನಿಗಿಂತ ಮೂರು ಪಟ್ಟು ದ್ರವ್ಯರಾಶಿಯನ್ನು ಹೊಂದಿದ್ದು,ಎರಡು ಬೃಹತ್ ನಕ್ಷತ್ರಗಳ ವ್ಯವಸ್ಥೆಯನ್ನು ಪರಿಭ್ರಮಿಸುತ್ತಿದೆ ಎಂದು ಹೇಳಲಾಗುತ್ತಿದೆ.
ಮಾರ್ಕಸ್ಜಾನ್ಸನ್ ನೇತೃತ್ವದ ಖಗೋಳವಿಜ್ಞಾನಿಗಳ ತಂಡಚಿಲಿಯಪರಾನಾಲ್ ನಲ್ಲಿರುವ ಯುರೋಪಿಯನ್ಸದರ್ನ್ಅಬ್ಸರ್ವೇಟರಿಯ ತುಂಬಾ ಹೆಚ್ಚು ಶಕ್ತಿಶಾಲಿ ದೂರದರ್ಶಕದ ಸಹಾಯದಿಂದ ಈ ಗ್ರಹವನ್ನು ಪತ್ತೆಹಚ್ಚಿದ್ದಾರೆ. ಬಾಹ್ಯಾಕಾಶದಲ್ಲಿ ತುಂಬಾ ವಿಶಾಲವಾದ ಸೆಂಟಾರಸ್ ನಕ್ಷತ್ರಪುಂಜದಲ್ಲಿಆಲ್ಫಾಸೆಂಟಾರಿ ಹಾಗೂ ಬೀಟಾಸೆಂಟಾರಿಎಂಬ ಎರಡು ನಕ್ಷತ್ರಗಳಿದ್ದು, ಇವೆರಡೂ ಸೇರಿ ನಮ್ಮ ಸೂರ್ಯನ ದ್ರವ್ಯರಾಶಿಯ ಸುಮಾರು 6 ರಿಂದ 10 ಪಟ್ಟು ಗಾತ್ರವನ್ನು ಹೊಂದಿವೆ. ಎಂದು ಮಾರ್ಕಸ್ ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಜೂನ್ ತಿಂಗಳ ರಾತ್ರಿಯಲ್ಲಿ ದಕ್ಷಿನದಿಕ್ಕಿನ ಆಕಾಶವನ್ನು ಗಮನಿಸಿದರೆ, ಪೂರ್ವ-ಪಶ್ಚಿಮ ದಿಕ್ಕಿನಲ್ಲಿ ಅಕ್ಕ-ಪಕ್ಕದಲ್ಲಿರುವಎರಡುಪ್ರಕಾಶಮಾನವಾದನಕ್ಷತ್ರಗಳನ್ನುನೋಡಬಹುದಾಗಿದೆ. ಈಪ್ರಕಾಶಮಾನ ನಕ್ಷತ್ರಗಳ ಪಾದದ ಮೇಲೆ ನಿಂತಂತಿರುವ ಒಂದು ದೊಡ್ಡ ಬಹುಭುಜಾಕೃತಿಯೇಸೆಂಟಾರಸ್ನಕ್ಷತ್ರಪುಂಜ. ಈ ನಕ್ಷತ್ರಪುಂಜದ ಅತ್ಯಧಿಕ ಪ್ರಕಾಶಮಾನವಾದ ನಕ್ಷತ್ರವೇ ಆಲ್ಫಾ ಸೆಂಟಾರಿ ಅಥವಾ ಪ್ರಾಕ್ಸಿಮಾ ಸೆಂಟಾರಿ. ಇದು ನಮ್ಮ ಭೂಮಿಗೆ ತುಂಬಾ ಸಮೀಪದ ನಕ್ಷತ್ರವಾಗಿದೆ. ಇದೊಂದು ತ್ರಿವಳಿ ನಕ್ಷತ್ರವೂ ಆಗಿದೆ. ಈ ನಕ್ಷತ್ರಗಳನ್ನು ಸುತ್ತುಹಾಕುತ್ತಿರುವ ಹೊಸಗ್ರಹವೂ ನಮ್ಮ ಭೂಮಿಯಂತೆಯೇ ಇದೆ ಎಂದು ಹೇಳಲಾಗುತ್ತಿದೆ.
ಹೊಸದಾಗಿ ಪತ್ತೆಯಾಗಿರುವ ಈ ಗ್ರಹಕ್ಕೆ B-SEN ಎಂದು ನಾಮಕರಣ ಮಾಡಲಾಗಿದ್ದು, ಇದುತನ್ನಮಾತೃನಕ್ಷತ್ರಗಳನ್ನುನಮ್ಮಸೂರ್ಯಮತ್ತುಭೂಮಿಯನಡುವಿನಅಂತರಕ್ಕಿಂತ530ಪಟ್ಟು ಹೆಚ್ಚು ಅಂತರದಲ್ಲಿ ಪರಿಭ್ರಮಿಸುತ್ತಿದೆ ಎಂದು ಮಾರ್ಕಸ್ ಜಾನ್ಸನ್ ಮಾಹಿತಿ ನೀಡಿದ್ದಾರೆ. ಈ ಬೃಹತ್ ನಕ್ಷತ್ರಗಳು ಹೆಚ್ಚಿನ ಶಕ್ತಿಯ ವಿಕಿರಣವನ್ನು ಹೊರಸೂಸುತ್ತಿದ್ದು, ಅಸ್ತಿತ್ವದಲ್ಲಿರುವ ಈ ಅನಿಲ ದೈತ್ಯದ ರಚನೆಗೆ ಬೆದರಿಕೆ ಒಡ್ಡುತ್ತಿವೆ. ಸಾಮಾನ್ಯವಾಗಿ ಅನಿಲ ದೈತ್ಯಗ್ರಹಗಳು ಇಷ್ಟು ಬೃಹತ್ ನಕ್ಷತ್ರಗಳ ಸುತ್ತ ರೂಪುಗೊಳ್ಳುವುದಿಲ್ಲ ಎಂದೇ ಇದುವರೆಗೂ ಖಗೋಳವಿಜ್ಞಾನಿಗಳು ನಂಬಿದ್ದರು.
ಒಟ್ಟಿನಲ್ಲಿ ಬ್ರಹ್ಮಾಂಡದ ವಿಸ್ಮಯಗಳು ದಿನನಿತ್ಯವೂ ಮಾನವ ಕುಲವನ್ನು ತುಂಬಾ ಅಚ್ಚರಿಗೆ ತಳ್ಳುತ್ತಿದ್ದು, ವಿಶ್ವರಚನೆಯ ಮಾನವನ ಜ್ಞಾನವನ್ನು ಹೆಚ್ಚಿಸುತ್ತಲೇ ಇದೆ ಹಾಗೂ ಖಗೋಳವಿಜ್ಞಾನಿಗಳ ನಿದ್ರೆ ಕೆಡಿಸುತ್ತಿದೆ ಎಂದು ಹೇಳಲಾಗುತ್ತಿದೆ.
Gas giant planet larger than Jupiter discovered
Discussion about this post