ನಿತ್ಯದ ಆಹಾರ ಕ್ರಮದಲ್ಲಿ ಪೋಷಕಾಂಶಗಳಿರುವ ಆಹಾರವನ್ನು ತೆಗೆದುಕೊಂಡರೆ ವೈದ್ಯರನ್ನು ದೂರ ಇರಿಸಬಹುದು ಎಂಬ ಮಾತಿದೆ. ಈ ಪೌಷ್ಟಿಕಾಂಶಯುಕ್ತ ಆಹಾರಗಳು ವಯಸ್ಸಿಗೆ ತಕ್ಕಂತೆ ಇದ್ದರೆ ಮತ್ತೂ ಒಳ್ಳೆಯದು. ಇಂತಹ ಐದು ಮಾಂಸಾಹಾರ ಮತ್ತು ಹಣ್ಣನ್ನು ತಜ್ಞರು ಶಿಫಾರಸು ಮಾಡಿದ್ದಾರೆ.
ಆಹಾರವೇ ದೇಹಕ್ಕೆ ಚೈತನ್ಯ ನೀಡುವುದು. ಆರೋಗ್ಯ ಕಾಪಾಡುವುದು. 50 ವರ್ಷ ದಾಟಿದ ಮೇಲೆ ಅನೇಕ ಕಾಯಿಲೆಗಳು ಅಮರಿಕೊಳ್ಳುತ್ತವೆ. ಇಂಥ ಸಂದರ್ಭದಲ್ಲಿ ದೇಹ ದುರ್ಬಲ ಆಗುತ್ತದೆ. ಇದನ್ನು ಸಬಲವಾಗಿ ಇಟ್ಟಿಕೊಳ್ಳಲು ಆಹಾರದಲ್ಲಿ ಪ್ರಮುಖವಾಗಿ ಐದು ಅಂಶಗಳನ್ನು ಗಮಿಸಬೇಕು ಎಂದು ಪೌಷ್ಟಿಕ ಆಹಾರ ತಜ್ಞೆ ಮುಗ್ಧಾ ಪ್ರಧಾನ್ ಅಭಿಪ್ರಾಯಪಟ್ಟಿದ್ದಾರೆ.
1. ಮೂಳೆ ಸಾರು: ಮಾಂಸಾಹಾರಿಗಳು ಬಳಸುವ ಮೂಳೆಯ ಸಾರಿನಲ್ಲಿ ಕೊಲಜನ್, ಗ್ಲೈಸಿನ್, ಜೆಲಾಟಿನ್, ಗ್ಲುಟಾಮಿನ್ ಅಂಶಗಳು ಇರುತ್ತವೆ. ಇದರಿಂದ ತ್ವಚೆ ಚೆನ್ನಾಗಿರುತ್ತದೆ. ಜೆಲಾಟಿನ್ ಮೂಳೆಗಳು ಘರ್ಷಣೆ ಇಲ್ಲದೆ ಸರಾಗವಾಗಿ ಕೆಲಸ ಮಾಡಲು ಸಹಾಯ ಮಾಡುತ್ತದೆ. ಕಿಲುಗಳ ಮೇಲೆ ಬೀಳುವ ಹೆಚ್ಚುವರಿ ಒತ್ತಡವನ್ನು ನಿಭಾಯಿಸಲು ಇದು ಸಹಕಾರಿ. ಮೂಳೆಯ ಖನಿಜ ಸಾಂದ್ರತೆಯನ್ನು ವೃದ್ಧಿಸಿ ಅಸ್ಥಿಗಳು ಗಟ್ಟಿಗೊಳ್ಳುವಂತೆ ಮಾಡುತ್ತದೆ. ಗ್ಲುಟಾಮಿನ್ ಸ್ನಾಯುಗಳನ್ನು ಬಲಪಡಿಸುತ್ತಿದೆ. ಶಕ್ತಿ ಮತ್ತು ರೋಗನಿರೋಧಕತೆಯನ್ನು ವೃದ್ಧಿಸುತ್ತದೆ. ಯಕೃತ್, ಮಿದುಳಿ ಆರೋಗ್ಯ ಹೆಚ್ಚುತ್ತದೆ. ದೇಹದಲ್ಲಿನ ವಿಷಕಾರಿ ಅಂಶವನ್ನು ಹೊರಹಾಕುತ್ತದೆ. ಕರುಳಿನ ಸಮಸ್ಯೆಯನ್ನು ನಿವಾರಿಸುವ ಮಾಂತ್ರಿಕ ಶಕ್ತಿ ಇದಕ್ಕಿದೆ. ಮೂಳೆ ಸಾರಿನಲ್ಲಿರುವ ಗ್ಲೈಸಿನ್ಗೆ ಖಿನ್ನತೆಯನ್ನು ಹೋಗಲಾಡಿಸುವ ಶಕ್ತಿ ಇದೆ. ನಿದ್ರಾಹೀನತೆ ದೂರಮಾಡುತ್ತದೆ.
2. ಮೊಟ್ಟೆ: ಪ್ರಾಣಿಜನ್ಯ ಪ್ರೋಟೀನ್ ವಿಪುಲವಾಗಿ ಸಿಗುವುದು ಕೋಳಿ ಮೊಟ್ಟೆಯಲ್ಲಿ. ಮೊಟ್ಟೆಯ ಬಿಳಿಯ ಭಾಗದಲ್ಲಿ ಶೇ. 60ರಷ್ಟು ಪ್ರೋಟೀನ್ ಇರುತ್ತದೆ. ಹಳದಿಯ ಲೋಳೆಯಲ್ಲಿ ಕೊಬ್ಬಿನಂಶ ಹೆಚ್ಚಿರುತ್ತದೆ. ವಿಟಮಿನ್, ಖನಿಜ, ಆಂಟಿ ಆಕ್ಸಿಡೆಂಟ್ಗಳು ಇರುವುದರಿಂದ ಮೊಟ್ಟೆಯನ್ನು ನೈಸರ್ಗಿಕ ಮೂಲ ಆಹಾರವೆಂದೂ ಹೇಳಲಾಗುತ್ತದೆ. ಕೊಬ್ಬು ಹೆಚ್ಚಾಗುತ್ತದೆ ಎಂದು ಅನೇಕರು ಮೊಟ್ಟೆ ಸೇವಿಸಲು ಹಿಂಜರಿಯುತ್ತಾರೆ. ಆದರೆ, ಇದನ್ನು ಖಚಿತಪಡಿಸುವಂತಹ ಸಂಶೋಧನೆಗಳು ನಡೆದಿಲ್ಲ.
3. ಯಕೃತ್ (ಲಿವರ್): ಸತ್ವಪೂರ್ಣ ಪೋಷಕಾಂಶಗಳನ್ನು ಒಳಗೊಂಡ ಮಾಂಸಾಹಾರದಲ್ಲಿ ಯಕೃತ್ (ಲಿವರ್) ಕೂಡ ಒಂದು. ವಿಟಮಿನ್ ಎ ವಿಪುಲವಾಗಿರುತ್ತದೆ. ಲಿವರ್ನಲ್ಲಿ ಫೋಲೇಟ್, ಕಬ್ಬಿಣ, ವಿಟಮಿನ್ ಬಿ, ತಾಮ್ರದ ಅಂಶಗಳಿವೆ. ಲಿವರ್ನ ಒಂದು ಪೀಸ್ ನಿತ್ಯದ ಪೋಷಕಾಂಶವನ್ನು ಪೂರೈಸಿ ಅಪೌಷ್ಟಿಕತೆಯನ್ನು ದೂರ ಮಾಡುತ್ತದೆ. ನೇತ್ರ ದೋಷ, ಉರಿಯೂತ, ಅಲ್ಜಮೈರ್, ಸಂಧಿವಾತದ ಸಮಸ್ಯೆ ನಿವಾರಣೆ ಆಗುತ್ತದೆ. ಫಾಲಿಕ್ ಆಮ್ಲ, ಸತು, ಸೆಲೆನಿಯಮ್, ಇರುವುದುರಿಂದ ಹಿಮೋಗ್ಲೋಬಿನ್ ಮಟ್ಟ ವೃದ್ಧಿಸುತ್ತದೆ.
4. ಮಟನ್, ಚಿಕನ್, ಮೀನು: ಮಟನ್, ಚಿಕನ್ ಮತ್ತು ಮೀನಿನಲ್ಲಿ ಸಸ್ಯಜನ್ಯಕ್ಕಿಂತ ಹೆಚ್ಚು ಪ್ರೋಟಿನ್ಗಳು ಇರುತ್ತವೆ ಎಂದು ವಿವಿಧ ಅಧ್ಯಯನಗಳು ತಿಳಿಸಿವೆ ಮತ್ತು ಮನುಷ್ಯ ಇದನ್ನು ಸುಲಭವಾಗಿ ಜೀರ್ಣಿಸಿಕೊಳ್ಳಬಲ್ಲ. ಇವುಗಳಿಂದ ಕೊಬ್ಬು ಹೆಚ್ಚುತ್ತದೆ ಎಂಬ ದಿಗಿಲು ಬೇಡ ಎಂದಿವೆ. ಕೆಂಪು ಮಾಂಸದಲ್ಲಿರುವ ಸ್ಟಿಯರಿಕ್ ಆಮ್ಲವು ದೇಹದಲ್ಲಿ ಹೆಚ್ಚುವರಿ ಕೊಬ್ಬನ್ನು ಕರಗಿಸುತ್ತದೆ. ಹೀಗಾಗಿ ತೂಕ ಕಳೆದುಕೊಳ್ಳಲು ಸಹಕಾರಿ. ಡಾರ್ಕ್ ಕೋಳಿ ಮಾಂಸದಲ್ಲಿ ವಿಟಮಿನ್ ಕೆ2 ಹೆಚ್ಚಾಗಿರುತ್ತದೆ. ಕೋಳಿಯ ಚರ್ಮದಲ್ಲಿ ಕೊಲಜನ್ ಇರುತ್ತದೆ. ಪಾನ್ಫ್ರೆಟ್ ಸಿಗಡಿ ಮೀನುಗಳಲ್ಲಿ ಪಾದರಸ ಕಡಿಮೆ ಪ್ರಮಾಣದಲ್ಲಿ ಇರುತ್ತದೆ. ಒಮೆಗಾ-3 ಕೊಬ್ಬಿನ ಆಮ್ಲ ಇರುವುದರಿಂದ ಉರಿಯುತವನ್ನು ಶಮನಮಾಡುತ್ತದೆ.
ಸಸ್ಯಾಹಾರದ ಕ್ಯಾನೋಲಾ ಎಣ್ಣೆ, ಶೇಂಗ ಎಣ್ಣೆ, ಸೋಯಾಬೀನ್, ಸಾಸುವೆ, ಕುಸುಬೆ, ಎಳ್ಳು, ಹತ್ತಿಬೀಜ, ತಾಳೆ. ಜೋಳದ ಎಣ್ಣೆಗಳಲ್ಲಿ ಉರಿಯೂತಕ್ಕೆ ಕಾರಣವಾಗುವ ಅಂಶಗಳು ಇವೆ. ತುಪ್ಪ ಮತ್ತು ಬೆಣ್ಣೆ, ತೆಂಗಿನ ಎಣ್ಣೆಯಲ್ಲೂ ಉರಿಯೂತಕಾರಿಯಾಗುವ ಸಾಧ್ಯತೆ ಇದೆ. ಹೀಗಾಗಿ ವಯಸ್ಸಾದವರು ಹಿತಮಿತವಾಗಿ ಮಾಂಸಾಹಾರ ತೆಗೆದುಕೊಳ್ಳುವುದು ಸೂಕ್ತ.
5. ಕಾಲೋಚಿತವಾದ ಹಣ್ಣುಗಳು: ಸಾವಯವ ಪದ್ಧತಿಯಲ್ಲಿ ಬೆಳೆದ ಕಾಲೋಚಿತವಾದ ಹಣ್ಣುಗಳ ಸೇವನೆಯಿಂದಲೂ ಪೋಷಕಾಂಶಗಳು ಲಭ್ಯವಾಗುತ್ತವೆ. ಹಣ್ಣುಗಳಲ್ಲಿ ಸಕ್ಕರೆ ಅಂಶ ಇರುತ್ತದೆ ಎಂದು ಹೆದರಬೇಡಿ. ಇದರಲ್ಲಿನ ಫ್ರಕ್ಟೋಸ್ಗಳು ಹಾನಿಕಾರಕವಲ್ಲ. ತೀವ್ರವಾದ ಮಧುಮೇಹಿಗಳಾಗಿದ್ದರೆ ಹಣ್ಣು ಸೇವನೆಯಿಂದ ರಕ್ತದಲ್ಲಿ ಗ್ಲುಕೋಸ್ ಮಟ್ಟ ಏರುತ್ತದೆ. ಈ ಬಗ್ಗೆ ಜಾಗೃತೆ ಇರಲಿ.
Here is the Top five nutritious non-vegetarian food
ಇದನ್ನೂ ಓದಿ: ಸ್ತನದ ಕ್ಯಾನ್ಸರ್ ಆತಂಕ ನಿವಾರಿಸಲು ಹೀಗಿರಲಿ ದೈನಂದಿನ ಆಹಾರ ಕ್ರಮ
Discussion about this post