Health: ಅತ್ಯಾಕರ್ಷಕ ಚರ್ಮ ಹಾಗೂ ಹೊಳೆಯುವ ಕೂದಲು ನಿಮ್ಮದಾಗಬೇಕೇ? ಹಾಗದರೆ ಈ ಆಹಾರಗಳನ್ನು ದಿನನಿತ್ಯ ಸೇವಿಸುವ ಅಭ್ಯಾಸ ಬೆಳೆಸಿಕೊಳ್ಳಿ

ಮಾನವನ ಸಾಮಾನ್ಯ ಆರೋಗ್ಯವು ನಾವು ಸೇವಿಸುವ ಆಹಾರ, ಮಾನಸಿಕ ಸ್ಥಿತಿ, ಹಾಗೂ ದಿನನಿತ್ಯದ ವ್ಯಾಯಾಮ ಪದ್ಧತಿಗಳು ಮುಂತಾದುವುಗಳ ಮೇಲೆ ಅವಲಂಬಿತವಾಗಿದ್ದು ಇತ್ತೀಚಿನ ದಿನಗಳಲ್ಲಿ ಎಲ್ಲರಿಗೂ ಇದರ ಅರಿವು ಮೂಡುತ್ತಿದೆ. ಚರ್ಮ ಹಾಗೂ ಕೂದಲಿನ ಸುಸ್ಥಿತಿ ಒಟ್ಟು ಆರೋಗ್ಯಕ್ಕೆ ಹಿಡಿದ ಕೈಗನ್ನಡಿಯಂತಿದ್ದು ಎಲ್ಲರೂ ಆಕರ್ಷಕ ಚರ್ಮ ಹಾಗೂ ಹೊಳೆಯುವ ಸೊಂಪಾದ ಕೂದಲನ್ನು ಹೊಂದಲು ಬಯಸುತ್ತಾರೆ.

ಚರ್ಮ ಹಾಗೂ ಕೂದಲಿನ ಆರೈಕೆ ಎಷ್ಟೇ ಮಾಡಿಕೊಂಡರೂ ಹಾಗೂ ಅವು ಹೊರಗಿನಿಂದ ಉತ್ತಮ ಸ್ಥಿತಿಯಲ್ಲಿರುವಂತೆ ಕಂಡು ಬಂದರೂ ಅವು ಆಂತರಿಕವಾಗಿಯೂ ಅಷ್ಟೇ ಆರೋಗ್ಯಕರ ಸ್ಥಿತಿಯಲ್ಲಿವೆಯೇ ಎಂಬ ಪ್ರಶ್ನೆ ಉದ್ಭವಿಸುತ್ತದೆ. ಇದಕ್ಕಾಗಿ ಸಾಂಪ್ರದಾಯಿಕ ಹಾಗೂ ನೈಸರ್ಗಿಕ ವಿಧಾನಗಳನ್ನು ಅನುಸರಿಸುವುದು ಹಾಗೂ ಚರ್ಮ ಹಾಗೂ ಕೂದಲಿನ ಆರೋಗ್ಯವನ್ನು ವೃದ್ಧಿಸುವ ಆಹಾರವನ್ನು ಸೇವಿಸುವುದು ಉತ್ತಮ ಮಾರ್ಗವಾಗಿದೆ.

ವಿಶೇಷಜ್ಞರ ಪ್ರಕಾರ ಚರ್ಮ ಹಾಗೂ ಕೇಶ ಸೌಂದರ್ಯವರ್ಧನೆಗೆ ಮಂತ್ರದಂಡದಂತೆ ಕೆಲಸ ಮಾಡುವ ಯಾವುದೇ ನಿರ್ದಿಷ್ಟ ಆಹಾರವಿಲ್ಲದಿದ್ದರೂ ನಮ್ಮ ಆಹಾರ ಪದ್ಧತಿಯಲ್ಲಿ ಕೆಲ ಉತ್ತಮ ಆಂಶಗಳನ್ನು ಸೇರಿಸಿಕೊಳ್ಳುವುದರಿಂದ ವೃದ್ಧಾಪ್ಯದ ಪ್ರಕ್ರಿಯೆಯನ್ನು ಮುಂದೂಡಲು ಸಹಾಯ ಮಾಡುತ್ತವೆ. ನಾವು ತಿನ್ನುವ ಆಹಾರದಂತೆ ನಮ್ಮ ಚರ್ಮದ ಆರೋಗ್ಯವು ಇರಲಿದ್ದು ಮಿತಿಯಿಲ್ಲದೇ ತಿನ್ನುವುದರಿಂದ ಹಾಗೂ ಕುಡಿಯುವುದರಿಂದ ಕಳಾಹೀನ ಚರ್ಮ ಹಾಗೂ ಕಪ್ಪು ವೃತ್ತಗಳುಂಟಾಗಲು ಕಾರಣವಾಗುತ್ತದೆ.

ಚರ್ಮ ಹಾಗೂ ಕೂದಲಿನ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಲು ನಾವು ಬಹಳಷ್ಟು ಸಮಯವನ್ನೂ ಹಾಗೂ ಸೌಂದರ್ಯವರ್ಧಕಗಳಾದ ಕ್ರೀಂಗಳು, ಶಾಂಪೂಗಳು, ಕಂಡಿಷನರ್‌ಗಳು, ಹಾಗೂ ಮಾಸ್ಕ್‌ಗಳ ಮೇಲೆ ಬಹಳಷ್ಟು ಹಣವನ್ನೂ ವ್ಯಯಿಸುತ್ತೇವೆ, ಆದರೆ ಇವುಗಳ ಜೊತೆಗೆ ಉತ್ತಮ ಆಹಾರ ಪದ್ಧತಿಯನ್ನೂ ಅನುಸರಿಸಿದರೆ ಉತ್ತಮ ಫಲಿತಾಂಶ ಪಡೆಯಬಹುದಾಗಿದೆ. ಅಂತಹ ಆಹಾರಗಳು ಕೆಳಗಿನಂತಿವೆ:

1. ಪ್ರೋಟೀನ್‌ಗಳು: ತಾರುಣ್ಯಭರಿತ ಚರ್ಮಕ್ಕೆ ಬೇಕಾಗುವ ಕೊಲ್ಲಾಜೆನ್, ಕೋಮಲವಾದ ಚರ್ಮಕ್ಕೆ ಬೇಕಾಗುವ ಎಲಾಸ್ಟಿನ್‌, ಆರೋಗ್ಯಕರ ಹೊಳೆಯುವ ಕೂದಲಿಗೆ ಸಹಾಯಕವಾದ ಕೆರಟಿನ್ (ಇವೆಲ್ಲವೂ ಪ್ರೋಟೀನ್‌ನಲ್ಲಿವೆ), ಹಾಗೂ ಉತ್ತಮ ಮಾಂಸಖಂಡಗಳಿಗೆ ಪ್ರೋಟೀನ್‌ ಅತ್ಯವಶ್ಯಕವಾಗಿ ಬೇಕಾಗುತ್ತದೆ. ಹಾಗಾಗಿ, ಪ್ರೋಟೀನ್‌ ಅನ್ನು ಒಂದು ಸಮತೋಲಿತ ಪ್ರಮಾಣದಲ್ಲಿ ತೆಗೆದುಕೊಳ್ಳಬೇಕಾಗಿದ್ದು ಅದು ಹೆಚ್ಚಾಗಲೂಬಾರದು ಹಾಗೂ ಕಡಿಮೆಯಾಗಲೂಬಾರದು. ಪ್ರೋಟೀನ್‌ ಪ್ರಮಾಣ ಕಡಿಮೆಯಾದರೆ ಚರ್ಮ, ಕೂದಲು, ಹಾಗೂ ಉಗುರುಗಳು ತಮ್ಮ ಹೊಳಪನ್ನು ಕಳೆದುಕೊಂಡು ಕಳಾಹೀನವಾಗಿ ಕಾಣಲು ಕಾರಣವಾಗುತ್ತದೆ.

2. ಆವಶ್ಯಕ ಕೊಬ್ಬುಗಳು: ಒಮೆಗಾ 3 ಹಾಗೂ 6 ನಮ್ಮ ದೇಹಕ್ಕೆ ಅತ್ಯವಶ್ಯಕವಾಗಿ ಬೇಕಾಗಿರುವ ಕೊಬ್ಬುಗಳಾಗಿದ್ದು ಇವುಗಳ ಕೊರತೆಯುಂಟಾದರೆ ಒಣ ಚರ್ಮ ಹಾಗೂ ಒಣ ಕೂದಲಿಗೆ ಕಾರಣವಾಗಿ ಕಡಿತದ ಅನುಭವವೂ ಆಗಬಹುದು.

3. ಕಬ್ಬಿಣ: ಶಕ್ತಿಗೆ ಅತ್ಯವಶ್ಯಕವಾಗಿರುವ ಕಬ್ಬಿಣದ ಕೊರತೆಯುಂಟಾದರೆ ಹೊಳಪಿಲ್ಲದ ಚರ್ಮ, ಮಂಕಾದ ಕೂದಲು, ಹಾಗೂ ಉಗುರುಗಳು ಸೀಳುವುದಕ್ಕೆ ಕಾರಣವಾಗುತ್ತದೆ.

4. ವಿಟಮಿನ್‌ ಎ: ಚರ್ಮ ಹಾಗೂ ಕೂದಲು ಒಣಗುವುದನ್ನು ತಡೆಯಲು ಇದು ಅತ್ಯವಶ್ಯಕವಾಗಿದ್ದು, ಇದು ಹೆಚ್ಚಾದರೆ ಪಿತ್ತಕೋಶದ ತೊಂದರೆಗೆ ಕಾರಣವಾಗುತ್ತದೆ.

5. ವಿಟಮಿನ್ ಸಿ: ಕೊಲ್ಲಾಜೆನ್ ಉತ್ಪಾದನೆಗೆ ಇದು ಅತ್ಯವಶ್ಯಕವಾಗಿದೆ. ವಿಟಮಿನ್ ಸಿ ಮತ್ತು ಇ ಚರ್ಮವನ್ನು ಒಳಗಿನಿಂದ ಸುಸ್ಥಿತಿಯಲ್ಲಿಡುತ್ತವೆ.

6. ಇತರ ವಿಟಮಿನ್‌ಗಳು: ವಿಟಮಿನ್ ಎ, ಬಿ3, ಸಿ, ಇ, ಹಾಗೂ ಕೆ ಆರೋಗ್ಯಕರ ಚರ್ಮಕ್ಕೆ ಅವಶ್ಯಕವಾಗಿವೆ.

7. ಸಿಲಿಕೋನ್: ಸಿಲಿಕ ಅಥವಾ ಸಿಲಿಕೋನ್ ಕೊಲ್ಲಾಜೆನ್ ಉತ್ಪಾದನೆಗೆ ಅವಶ್ಯಕವಾಗಿದ್ದು ಕೂದಲಿಗೆ ಗಾತ್ರ ಹಾಗೂ ಬಲವನ್ನು ನೀಡುತ್ತದೆ.

ಮೇಲೆ ಹೇಳಲಾಗಿರವ ಅಂಶಗಳು ಹೆಚ್ಚಿರುವ ಆಹಾರ ಪದ್ಧತಿಯನ್ನು ಅನುಸರಿಸುವುದರಿಂದ ಉತ್ತಮ ಚರ್ಮ ಹಾಗೂ ಹೊಳೆಯುವ ಕೂದಲನ್ನು ಹೊಂದಲು ಬಹಳಷ್ಟು ಸಹಾಯಕವಾಗಲಿದೆ.

Seven simple steps to have healthy glowing skin and shiny long hairs

ಇದನ್ನೂ ಓದಿ: Skin Care: ಬಂತು ಚಳಿಗಾಲ: ಒಣ ಚರ್ಮ, ತುರಿಕೆ ಸಮಸ್ಯೆಗೆ ವಿಟಮಿನ್ ಸಿ ಪರಿಹಾರ

ಇದನ್ನೂ ಓದಿ: ಆರೋಗ್ಯಕರ ಜೀರ್ಣಕ್ರಿಯೆ ನಿಮ್ಮದಾಗಬೇಕೇ? ಹಾಗಾದೆರೆ ಇಲ್ಲಿವೆ ಆಯುರ್ವೇದದ 9 ಸುಲಭೋಪಾಯಗಳು