ಮದುವೆಯ ನಂತರ ಬದುಕನ್ನು ನೋಡುವ ದೃಷ್ಟಿಯೇ ಬದಲಾಗಿದೆ: ತಮಿಳು ನಟ ಸೂರ್ಯ

ಚೆನ್ನೈ: ತಮ್ಮ ಬಹುಚರ್ಚಿತ “ಜೈ ಭೀಮ್” ಚಿತ್ರ ಬಿಡುಗಡೆಯಾಗುವುದನ್ನು ಎದುರು ನೋಡುತ್ತಿರುವ ಖ್ಯಾತ ತಮಿಳುನಟ ಸೂರ್ಯ “ವಿವಾಹ ನಾನು ಜೀವನವನ್ನು ನೋಡುವ ದೃಷ್ಟಿಯನ್ನೇ ಬದಲಾಯಿಸಿದ್ದು ನನ್ನ ವ್ಯಕ್ತಿತ್ವ ವಿಕಸನದಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದೆ” ಎಂದು ತಿಳಿಸಿದ್ದಾರೆ.

ಅವರ “ಜೈ ಭೀಮ್” ಚಿತ್ರ ನವೆಂಬರ್ 2ರಂದು ಅಮೆಝಾನ್‌ ಪ್ರೈಮ್ ಮೂಲಕ ವಿಶ್ವಾದ್ಯಂತ ತೆರೆ ಕಾಣಲಿದ್ದು ಇದರಲ್ಲಿ ಸೂರ್ಯ ಮೇಲ್ವರ್ಗದವರಿಂದ ದೌರ್ಜನ್ಯಕ್ಕೆ ಒಳಗಾದ ಬುಡಕಟ್ಟು ಜನಾಂಗದವರ ಪರ ಹೋರಾಡುವ ಲಾಯರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ವಿವಾಹ ವ್ಯಕ್ತಿಯ ಮೇಲೆ ಬೀರುವ ಪರಿಣಾಮಗಳ ಬಗ್ಗೆ ಮಾತನ್ನು ಮುಂದುವರೆಸಿದ ಸೂರ್ಯ “ನಾವು 22ರ ವಯಸ್ಸಿನಲ್ಲಿ ಪ್ರಪಂಚವನ್ನು ನೋಡುವ ಹಾಗೂ ಮಾನವ ಸಂಬಂಧಗಳನ್ನು ಮತ್ತು ಇನ್ನಿತರ ಎಲ್ಲಾ ವಿಷಯಗಳನ್ನು ನೋಡುವ ದೃಷ್ಟಿಗಿಂತ ನಮ್ಮ ವಿವಾಹಾನಂತರದ ದೃಷ್ಟಿ ಸಂಪೂರ್ಣವಾಗಿ ವಿಭಿನ್ನವಾಗಿರುತ್ತದೆ. ಹೆಣ್ಣೊಬ್ಬಳು ತಾನು ಹುಟ್ಟಿದ ಮನೆಯನ್ನು ಹಾಗೂ ತನ್ನ ಬಂಧು-ಬಾಂಧವರನ್ನು ಬಿಟ್ಟು ನಿಮ್ಮೊಡನೆ ಬದುಕಲು ಪ್ರಾರಂಭಿಸುವುದು ಮತ್ತು ವಿವಾಹಾನಂತರದ ಜವಾಬ್ದಾರಿಗಳು ನಿಮಗೆ ಬಹಳಷ್ಟನ್ನು ಅರ್ಥಮಾಡಿಸುತ್ತವೆ, ಮಾತ್ರವಲ್ಲ ಈ ತಿಳುವಳಿಕೆಯು ಪುಸ್ತಕಗಳನ್ನು ಓದುವುದರಿಂದಾಗಲೀ ಅಥವಾ ಚಲನಚಿತ್ರಗಳನ್ನು ನೋಡುವುದರಿಂದಾಗಲೀ ಸಿಗುವುದಿಲ್ಲ ಎಂದರು. ಅಲ್ಲಿಯವರೆಗೂ ನೀವು ನಡೆದು ಬಂದ ದಾರಿ ಹಾಗೂ ಒಪ್ಪಿದ ಮೌಲ್ಯಾದರ್ಶಗಳೇ ಬದಲಾದರೂ ಆಶ್ಚರ್ಯವಿಲ್ಲ ಎಂದರು.

ತಮ್ಮ ಪತ್ನಿ ಜ್ಯೋತಿಕಾರೊಂದಿಗೆ ನಟಿಸುವುದರ ಬಗ್ಗೆ ಮಾತನಾಡಿದ ಸೂರ್ಯ “ನಾನು ಬರಹಗಾರನಾಗಲೀ ಅಥವಾ ನಿರ್ದೇಶಕನಾಗಲೀ ಅಲ್ಲ. ನಾನೊಬ್ಬ ಚಿತ್ರ ನಿರ್ಮಾಪಕನಾಗಿದ್ದು ನಾನು ನಂಬಿದ ವಿಷಯಗಳ ಮೇಲೆ ಚಿತ್ರ ನಿರ್ಮಾಣ ಮಾಡುವುದೇ ನನ್ನ ಗುರಿ.

ತಮ್ಮ ಪತ್ನಿ ಜ್ಯೋತಿಕಾರೊಂದಿಗೆ ನಟಿಸುವುದರ ಬಗ್ಗೆ ಮಾತನಾಡಿದ ಸೂರ್ಯ “ನಾನು ಬರಹಗಾರನಾಗಲೀ ಅಥವಾ ನಿರ್ದೇಶಕನಾಗಲೀ ಅಲ್ಲ. ನಾನೊಬ್ಬ ಚಿತ್ರ ನಿರ್ಮಾಪಕನಾಗಿದ್ದು ನಾನು ನಂಬಿದ ವಿಷಯಗಳ ಮೇಲೆ ಚಿತ್ರ ನಿರ್ಮಾಣ ಮಾಡುವುದೇ ನನ್ನ ಗುರಿ. ಅದೊಂದು ಒಳ್ಳೆಯ ವಿಭಿನ್ನವಾದ ಚಿತ್ರಕಥೆಯಾಗಿದ್ದು ನಮಗಿಬ್ಬರಿಗೂ ಉತ್ಸಾಹ ತರುವಂತಹ ಕಥಾಹಂದರವನ್ನು ಹೊಂದಿದ್ದರೆ ಮತ್ತೆ ನಾವಿಬ್ಬರೂ ಒಟ್ಟಿಗೆ ಅಭಿನಯಿಸಲು ಯಾವ ಅಡ್ಡಿಯೂ ಇಲ್ಲವೆಂದರು.

Suria says I am ready to act with Jyotika if the script happens to be very special and exciting for both of us

ಇದನ್ನೂ ಓದಿ: ಸೂಪರ್‌ಸ್ಟಾರ್ ರಜಿನೀಕಾಂತ್‌ಗೆ ಒಲಿದ ದಾದಾಸಾಹೇಬ್‌ ಫಾಲ್ಕೆ ಪ್ರಶಸ್ತಿ

ಇದನ್ನೂ ಓದಿ: Jai Bhim Teaser: ಅಸ್ಪೃಶ್ಯತೆಯ ವಿರುದ್ಧ ಸಿಡಿದೆದ್ದ ವಕೀಲನ ಪಾತ್ರದಲ್ಲಿ ಸೂರ್ಯ