ಐವರು ದುಷ್ಕರ್ಮಿಗಳಿಂದ ಚಲಿಸುವ ಬೈಕ್ ನಲ್ಲಿದ್ದ ವ್ಯಕ್ತಿಯ ಮಾರಕಾಸ್ತ್ರಗಳಿಂದ ಹತ್ಯೆ

ಬೆಂಗಳೂರು: ಆಟೋದಲ್ಲಿ ಎರಗಿದ 5 ಜನ ದುಷ್ಕರ್ಮಿಗಳು ಬೈಕ್ ಸವಾರನ ಬೆನ್ನಟ್ಟಿ ಬರ್ಬರ ಹತ್ಯೆ ನಡೆಸಿದ ಘಟನೆ ರಾಜದಾನಿಯಲ್ಲಿ ಹಾಡು ಹಗಲು ನಡೆದಿದೆ.

ರಾಜದಾನಿಯ ರಾಮಮೂರ್ತಿನಗರದ ಬೋವಿ ಕಾಲೋನಿಯ ನಿವಾಸಿಯಾಗಿದ್ದ ಕುಳ್ಳ ವೆಂಕಟೇಶ್ ಕೊಲೆಯಾದ ವ್ಯಕ್ತಿ. ಮಾರ್ಗೊಂಡನಹಳ್ಳಿಯಲ್ಲಿ ಈ ಘಟನೆ ನಡೆದಿದೆ.

ಅಟೋದಿಂದ ಬಂದು ಅಟ್ಯಾಕ್ ಮಾಡಿದಾಗ ಅನಾಮತ್ ಕೆಳಗೆ ಬಿದ್ದ ಬೈಕ್ ಸವಾರನ ಮೇಲೆ ಲಾಂಗ್, ಮಚ್ಚು ಮೊದಲಾದ ಮಾರಕಾಸ್ತ್ರಗಳಿಂದ ತೀವ್ರ ಹಲ್ಲೆ ನಡೆಸಿ ಕೊಲೆ ಮಾಡಲಾಗಿದ್ದು, ಕೊಲೆಗಾರರು ಸ್ಥಳದಿಂದ ಪರಾರಿಯಾಗಿದ್ದಾರೆ.