ದಿವಂಗತ ನಟಿ ಪವಿತ್ರಾ ಜಯರಾಮ್‌ ಆಪ್ತ, ನಟ ಚಂದು ಆತ್ಮಹ*ತ್ಯೆಗೆ ಶರಣು

Movie News: ಕೆಲ ದಿನಗಳ ಹಿಂದಷ್ಟೇ ನಟಿ ಪವಿತ್ರಾ ಜಯರಾಮ್ (Pavitra Jayaram) ಅಪಘಾತದಲ್ಲಿ ಸಾವನ್ನಪ್ಪಿದ್ದು, ಅವರೊಂದಿಗೆ ಅವರ ಆಪ್ತ ಮತ್ತು ನಟ ಚಂದ್ರಕಾಂತ್(Actor Chandrakanth) ಇದ್ದರು. ಅಪಘಾತದಲ್ಲಿ ಚಂದುಗೂ ಕೂಡ ಕೈಗೆ, ತಲೆಗೆ ಪೆಟ್ಟಾಗಿತ್ತು. ಪವಿತ್ರಾ ಸಾವಿನ ಬಳಿಕ ಬಹಳ ನೊಂದಿದ್ದ ಚಂದ್ರು, ನಿನ್ನೆ ಹೈದರಾಬಾದ್‌ನಲ್ಲಿರುವ ತಮ್ಮ ನಿವಾಸದಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ನಟಿ ಪವಿತ್ರಾ ಜಯರಾಮ್ ಸತ್ತಿದ್ದು ಅಪಘಾತದಿಂದಲ್ಲ

ದರ್ಶನ್‌ ಸಿನಿಮಾದಲ್ಲಿ ನಟಿಸಲು ಅವಕಾಶ ಸಿಕ್ಕಿದ್ದು, ಅದಕ್ಕೆ ಸಹಿ ಹಾಕಲು ಪವಿತ್ರ ಮತ್ತು ಚಂದು ಬೆಂಗಳೂರಿಗೆ ಬಂದಿದ್ದರು. ಮರಳಿ, ಹೈದರಾಬಾದ್‌ಗೆ ಹೋಗುವಾಗ, ಅಪಘಾತವಾಗಿದ್ದು, ಚಂದಪವಿನ ಹಣೆಗೆ ಮತ್ತು ಕೈಗೆ ತೀವ್ರ ಪೆಟ್ಟಾಗಿತ್ತು. ಅವರ ತಲೆಯಿಂದ ರಕ್ತ ಸೋರುತ್ತಿರುವುದನ್ನು ಕಂಡ ಪವಿತ್ರಾ ಅದೇ ಶಾಕ್‌ನಲ್ಲಿಯೇ, ಸ್ಥಳದಲ್ಲಿ ಪ್ರಾಣ ಬಿಟ್ಟಿದ್ದರು ಎಂದು ಸ್ವತಃ ಚಂದು ಅವರೇ ಮಾಧ್ಯಮದವರಿಗೆ ಹೇಳಿದ್ದರು.

ಸಾವಿಗೂ ಮುನ್ನ ಚಂದು ಹಾಕಿದ್ದ ಲಾಸ್ಟ್ ಇನ್‌ಸ್ಟಾಗ್ರಾಮ್ ಪೋಸ್ಟ್

ಅದಾದ ಬಳಿಕ ಚಂದು ಅವರನ್ನು ಆಸ್ಪತ್ರೆಗೆ ಸೇರಿಸಿ, ಚಿಕಿತ್ಸೆ ಕೊಡಿಸಲಾಗಿತ್ತು. ಮಂಡ್ಯದಲ್ಲಿ ನಡೆದ ಪವಿತ್ರ ಅಂತಿಮಸಂಸ್ಕಾರದಲ್ಲಿ ಚಂದು ಭಾಗಿಯಾಗಿದ್ದರು. ಬಳಿಕ ಹೈದರಾಬಾದ್‌ನ(Hyderabad) ತಮ್ಮ ನಿವಾಸಕ್ಕೆ ತೆರಳಿದ್ದರು. ಆದರೆ ನಿನ್ನೆ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಪವಿತ್ರಾ ಜೊತೆಗಿರುವ ಪೋಸ್ಟ್ ಹಾಕಿ, ಇಂದು ನಿನ್ನ ಹುಟ್ಟುಹಬ್ಬ. ಜಿಮ್ ಟ್ರೇನರ್‌ ಕರೀತಾ ಇದ್ದಾರೆ, ಬಾ ಪವಿತ್ರಾ ಎಂದು ಪೋಸ್ಟ್ ಹಾಕಿದ ಬಳಿಕ, ಚಂದು ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಇಬ್ಬರಿಗೂ ಇದು ಎರಡನೇಯ ಸಂಬಂಧ

ಪವಿತ್ರಾ ಮತ್ತು ಚಂದು ಪರಸ್ಪರ ಪ್ರೀತಿಸುತ್ತಿದ್ದು, ವಿವಾಹವಾಗಬೇಕು ಎಂದುಕೊಂಡಿದ್ದರು. ಪವಿತ್ರಾಗೆ ಈಗಾಗಲೇ ವಿವಾಹವಾಗಿದ್ದು, ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಆದರೆ ಮೊದಲ ಮದುವೆ ಮುರಿದು ಬಿದ್ದಿದ್ದು, ಚಂದುವನ್ನು ಪ್ರೀತಿಸುತ್ತಿದ್ದರು ಎನ್ನಲಾಗಿದೆ. ಇನ್ನು ಚಂದು ಕೂಡ 2015ರಲ್ಲಿ ಶಿಲ್ಪಾ ಎಂಬುವರೊಂದಿಗೆ ವಿವಾಹವಾಗಿದ್ದು, ಅವರ ವೈವಾಹಿಕ ಜೀವನವೂ ಅಂತ್ಯಗೊಂಡಿದ್ದು, ಪವಿತ್ರಾರನ್ನು ಪ್ರೀತಿಸುತ್ತಿದ್ದರು ಎನ್ನಲಾಗಿದೆ.

ತ್ರಿನಯನಿ(Trinayani) ಎಂಬ ತೆಲುಗು ಧಾರಾವಾಹಿಯಲ್ಲಿ ಪವಿತ್ರಾ ಮತ್ತು ಚಂದು ಅಕ್ಕ ತಮ್ಮನ ಪಾತ್ರ ನಿರ್ವಹಿಸುತ್ತಿದ್ದರು. ಈ ವೇಳೆ ಇಬ್ಬರ ನಡುವೆ ಸ್ನೇಹವಾಗಿ, ಸ್ನೇಹ ಪ್ರೀತಿಗೆ ತಿರುಗಿ, ಇಬ್ಬರು ಮದುವೆಯಾಗಲು ನಿರ್ಧರಿಸಿದ್ದರು. ಆದರೆ ವಿಧಿಯ ಆಟಕ್ಕೆ ಇಬ್ಬರೂ ಬಲಿಯಾಗಿದ್ದಾರೆ. ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸ್ಥಳಕ್ಕಾಗಮಿಸಿ, ತನಿಖೆ ನಡೆಸಿದ್ದಾರೆ.