International News: ನೀವು ಸಾಮಾಜಿಕ ಜಾಲತಾಣದಲ್ಲಿ ಕೆಲವೊಂದು ವೀಡಿಯೋ ನೋಡಿರುತ್ತೀರಿ. ಆನ್ಲೈನ್ನಲ್ಲೇ ಲವ್ ಆಗಿ, ಆತ ಫಾರಿನ್ನಲ್ಲಿದ್ದು, ಬರಲಾಗದ ಕಾರಣ, ವೀಡಿಯೋ ಕಾಲ್ನಲ್ಲೇ ಎಂಗೇಜ್ಮೆಂಟ್ ಆಗಿರುತ್ತದೆ. ಇಂಥ ಘಟನೆ ನೋಡಿದಾಗ, ಕೆಲವರು ಜೋಕ್ ಮಾಡ್ತಾರೆ, ಆನ್ಲೈನ್ನಲ್ಲಿ ಲವ್ ಮಾಡಿ, ವೀಡಿಯೋ ಕಾಲ್ನಲ್ಲಿ ಎಂಗೇಜ್ಮೆಂಟ್, ಮದುವೆ ಮಾಡಿಕೊಂಡು, ಮಗುವನ್ನು ಗೂಗಲ್ ಮೂಲಕ ಡೌನ್ಲೋಡ್ ಮಾಡಿಕೊಳ್ಳಿ ಅಂತಾ.
ಇದು ಒಂದು ತಮಾಷೆಯಾಗಿರಬಹುದು. ಆದರೆ ಇಲ್ಲಿ ಓರ್ವ ವ್ಯಕ್ತಿ ಆನ್ಲೈನ್ ಲವ್ಗೆ ಬಿದ್ದು, ವಿವಾಹವೂ ಆಗಿ, ಇದೀಗ ಪೇಚಿಗೆ ಸಿಲುಕಿದ್ದಾನೆ. ಇಂಡೋನೇಷಿಯಾದ 26 ವರ್ಷದ ವ್ಯಕ್ತಿಯೋರ್ವ ಅದಿಂಡಾ ಎಂಬುವವರನ್ನು ಆನ್ಲೈನ್ನಲ್ಲಿ ಭೇಟಿಯಾಗಿದ್ದ. 2023ರಲ್ಲಿ ಇವರಿಬ್ಬರು ಸ್ನೇಹಿತರಾಗಿದ್ದರು, ಆದರೆ, ಚಾಟ್ ಮಾಡುತ್ತ ಮಾಡುತ್ತ ಇವರ ಸ್ನೇಹ, ಪ್ರೀತಿಯಾಗಿ ಬದಲಾಯಿತು.
ಪ್ರೀತಿಸಿ 2024ರಲ್ಲಿ ಇವರಿಬ್ಬರು ವಿವಾಹವಾಗಿದ್ದಾರೆ. ಮದುವೆಯಾಗಿ 12 ದಿನವಾದ ಬಳಿಕ, ತಾನು ವಿವಾಹವಾಗಿದ್ದು, ಯುವತಿಯನ್ನಲ್ಲ ಬದಲಾಗಿ ಯುವಕನನ್ನು ಎಂದು ಗೊತ್ತಾಗಿ, ಈತ ಶಾಕ್ ಆಗಿದ್ದಾನೆ. ಇನ್ನು ಆನ್ಲೈನ್ನಲ್ಲಿ ಭೇಟಿಯಾದರೂ, ಬಳಿಕವಾದರೂ ಆತ ಅದಿಂಡಾನನ್ನು ಭೇಟಿಯಾದಾಗ, ಈ ವಿಷಯ ಗೊತ್ತಾಗಲಿಲ್ಲವೇ ಅನ್ನೋದು ನಿಮ್ಮ ಪ್ರಶ್ನೆಯಾಗಿರಬಹುದು.
ಮದುವೆಯಾಗುವುದಕ್ಕೂ ಮುನ್ನ ಯುವಕ ಅದಿಂಡಾರನ್ನು ಹವು ಬಾರಿ ಭೇಟಿಯಾಗಿದ್ದ. ಆದರೆ ಅದಿಂಡಾ ಪ್ರತೀ ಬಾರಿ ಭೇಟಿಯಾಗಲು ಬರುವಾಗ, ಸಂಪ್ರದಾಯದಂತೆ, ಮುಖಕ್ಕೆ ಬಟ್ಟೆ ಧರಿಸಿ ಬರುತ್ತಿದ್ದ. ಅಲ್ಲದೇ, ಮದುವೆಗೆ ಬರಲು ತನಗೆ ಯಾರೂ ಸಂಬಂಧಿಕರು ಇಲ್ಲ ಎಂದಿದ್ದ. ಅಲ್ಲದೇ, ಯುವಕನ ಮನೆಜನರ ಜೊತೆಯೂ ಬೆರೆಯಲು ಹಿಂದೇಟು ಹಾಕುತ್ತಿದ್ದ. ಹೀಗಾಗಿ ಮದುವೆಯಾಗಿ 12 ದಿನವಾದರೂ ತಾನು ಮದುವೆಯಾಗಿರುವುದು ಅವಳನ್ನಲ್ಲ ಅವನನ್ನು ಎಂದಿಗೂ ಆ ಯುವಕನಿಗೆ ಇನ್ನೂ ಗೊತ್ತಾಗಿರಲಿಲ್ಲ.
ಇನ್ನು ಲೈಂಗಿಕ ಕ್ರಿಯೆ ನಡೆಸುವ ಸಮಯ ಬಂದಾಗ, ತನಗೆ ಮುಟ್ಟಿನ ಸಮಸ್ಯೆ ಇದೆ. ಹಾಗಾಗಿ ಇನ್ನು ಕೆಲ ದಿನ ಸೇರುವುದು ಬೇಡ ಎಂದು ಹೇಳಿ, ಯುವಕನನ್ನು ದೂರ ಮಾಡಿದ್ದ ಅದಿಂಡಾ. ಒಂದು ದಿನ ಅದಿಂಡಾ ನಡೆಯ ಮೇಲೆ ಯುವಕನಿಗೆ ಅನುಮಾನ ಬಂದು, ಆತ ಅದಿಂಡಾ ಬಗ್ಗೆ ತಿಳಿಯಲು ಪ್ರಯತ್ನಿಸಿದ್ದ. ಆಗ ಗೊತ್ತಾಗಿದ್ದೇನೆಂದರೆ, ಅದಿಂಡಾಗೆ ತಂದೆ ತಾಯಿ ಇದ್ದಾರೆ. ಆದರೆ ಅದಿಂಡಾ ಈ ರೀತಿ ಹೆಣ್ಣು ವೇಷ ಧರಿಸಿ, ಈ ಯುವಕನ ಆಸ್ತಿ ಲಪಟಾಯಿಸಲೆಂದೇ ವಿವಾಹವಾಗಿದ್ದಾಳೆ. ಆಸ್ತಿ ಸಿಕ್ಕ ಬಳಿಕ, ಇಲ್ಲಿಂದ ಎಸ್ಕೇಪ್ ಆಗಬೇಕೆಂದಿದ್ದಾಳೆ ಎಂದು ಗೊತ್ತಾಗಿದೆ. ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ದೂರು ದಾಖಲಿಸ್ಸಿದ್ದು, ಅದಿಂಡಾಗೆ 4 ವರ್ಷ ಜೈಲು ಶಿಕ್ಷೆಯಾಗಲಿದೆ.
ಬಾಲಿವುಡ್ ನಟ ರಣ್ವೀರ್ ಸಿಂಗ್ ಕೆಲವೊಮ್ಮೆ ನಾಚಿಕೆ ಇಲ್ಲದವರ ರೀತಿ ವರ್ತಿಸುತ್ತಿದ್ದರು: ನಟಿ ಪರಿಣಿತಿ ಛೋಪ್ರಾ
Discussion about this post