ನಾಗರಿಕತೆಯು ಬೆಳೆಯುವುದೇ ಹೊಸ ಹೊಸ ಗೆಳೆತನ ಸಂಪಾದಿಸುವದರಲ್ಲಿ ಎಂಬ ಮಾತಿದೆ. ಆದರೆ, ಪರಿಚಯವಾದವರಲ್ಲ ಗೆಳೆಯರಾಗುವುದಿಲ್ಲ. ಸ್ನೇಹ ವ್ಯಾಪ್ತಿಗೆ ಬಂದವರೆಲ್ಲ ಆಪ್ತರಾಗುವುದಿಲ್ಲ. ಗೆಳೆತನವನ್ನು ಹೆಚ್ಚು ಆಪ್ತ ಮಾಡಿಕೊಳ್ಳಲು ಈ ಸಲಹೆಗಳನ್ನು ಅನುಷ್ಠಾನಕ್ಕೆ ತನ್ನಿ. ಸಂಘಜೀವಿಯಾದ ಮನುಷ್ಯ ಗೆಳೆತನವನ್ನು ಹೆಚ್ಚಿಸಿಕೊಳ್ಳಲು ತುಡಿಯುತ್ತಾನೆ. ಸ್ನೇಹಿತರನ್ನು ಇನ್ನಷ್ಟು ಆಪ್ತರನ್ನಾಗಿ ಮಾಡಿಕೊಳ್ಳಲು ಬಯಸುತ್ತಾನೆ. ಈ ಪ್ರಕ್ರಿಯೆಯನ್ನು ಸರಳಗೊಳಿಸುವ ಎಂಟು ವಿಧಾನಗಳು ಇಲ್ಲಿವೆ.
ಮೈತ್ರಿಯನ್ನು ಆಪ್ತ ಮಾಡಿಕೊಳ್ಳಲು ಎಂಟು ವಿಧಾನ ಇಲ್ಲಿದೆ:
1. ಒಳ್ಳೆಯ ಅಂಶಗಳನ್ನು ಹಂಚಿಕೊಳ್ಳುವಂತೆ ಜೀವನದಲ್ಲಿ ಎದುರಿಸಿದ ಕೆಟ್ಟ ಸಂದರ್ಭದ ನೆನಪನ್ನೂ ಹಂಚಿಕೊಳ್ಳಿ. ಇದರಿಂದ ಗೆಳೆಯರ ಮಧ್ಯೆ ಆಪ್ತತೆ ಹೆಚ್ಚುತ್ತದೆ.
2. ಗೆಳೆಯ/ಗೆಳತಿಯರ ಮಧ್ಯೆ ಸಮಾನವಾದ ಅಂಶ, ಸಮಾನ ಚಿಂತನೆ ಯಾವುದು ಎಂಬುದನ್ನು ಗುರುತಿಸಿಕೊಳ್ಳಿ. ಅಂತಹ ವಿಷಯದ ಬಗ್ಗೆ ಚರ್ಚಿಸುವುದು. ಇಲ್ಲವೆ ಅಂತಹ ಹವ್ಯಾಸವನ್ನು (ಕೆಟ್ಟ ವ್ಯಸನಗಳಲ್ಲ) ಒಟ್ಟಿಗೆ ಮಾಡುವುದು ಉತ್ತಮ.
3. ಮಿತ್ರರು ಮಾತನಾಡುವಾಗ ತಾಳ್ಮೆಯಿಂದ ಕೇಳಿಸಿಕೊಳ್ಳಿ. ನಾವೇ ಮಾತನಾಡುತ್ತಿದ್ದರೆ ಅದು ಏಕಮುಖವಾಗುತ್ತದೆ ಮತ್ತ ಗೆಳೆತನ ನೀರಸವಾಗುತ್ತದೆ.
4. ಸರಳತನ ರೂಢಿಸಿಕೊಳ್ಳಿ. ಇದು ಗೆಳೆಯರ ಸಂಖ್ಯೆಯನ್ನು ಹೆಚ್ಚಿಸುತ್ತದೆ.
5. ನಿಮ್ಮತವನ್ನು ಬಿಟ್ಟುಕೊಡಬೇಡಿ. ಆದರೆ ಜಿಗುಟುತನ ಬೇಡ. ಆತ್ಮೀಯವಾಗಿ ಬೆರೆಯಿರಿ.
6. ಹೊಸ ಗೆಳೆಯರನ್ನು ಹಳೆಯ ಸ್ನೇಹಿತರ ಜತೆ ಹೋಲಿಸಬೇಡಿ. ಅದರಲ್ಲೂ ನಕಾರಾತ್ಮಕ ಗುಣಗಳನ್ನು ತುಲನೆ ಮಾಡುವುದು ಮೈತ್ರಿ ನಷ್ಟಕ್ಕೆ ಕಾರಣವಾದೀತು.
7. ಹೊಸ ಗೆಳೆಯವರು ಸಿಕ್ಕರೆಂದು ಹಳಬರನ್ನು ತಿರಸ್ಕಾರ ದೃಷ್ಟಿಯಿಂದ ನೋಡಬೇಡಿ. ಇಬ್ಬರಲ್ಲೂ ಸಮಾನ ಭಾವ ಇರಲಿ.
8. ಮೈತ್ರಿಯ ಪ್ರಕ್ರಿಯೆಯೂ ಧಾವಂತದಲ್ಲಿ ಆಗುವಂತಹುದಲ್ಲ. ಇದು ಅದರದ್ದೆ ಆದ ಸಮಯ ತೆಗೆದುಕೊಳ್ಳುತ್ತದೆ. ಹೀಗಾಗಿ ಆತುರತೆ ಬೇಡ.
ಇದನ್ನೂ ಓದಿ: ವಧುವಿನ ಬ್ರಾ ಸೈಜ್ ಕೇಳಿದ ಭೂಪ; ವೈರಲ್ ಆದ ಜಾಹೀರಾತಲ್ಲಿ ಏನೆಲ್ಲಾ ಇತ್ತು?
Discussion about this post