ಕೊರೊನಾ ಸೋಂಕು ಪ್ರಸರಣ ತಗ್ಗಿರುವುದರಿಂದ ಶಾಲಾ-ಕಾಲೇಜುಗಳು ಆರಂಭವಾಗಿವೆ. ಬಹುತೇಕ ಮಕ್ಕಳು ಶಾಲಾ-ಕಾಲೇಜುಗಳಿಗೆ ಹೋಗಲು ಬಯಸಿದರೆ, ಕೆಲವರು ಈಗಲೇ ಸ್ಕೂಲ್ಗೆ ಹೋಗಲು ಸಿದ್ಧರಿಲ್ಲ.
ಆದರೆ, ಶಾಲಾ-ಕಾಲೇಜಿಗೆ ಹೋಗುವುದು ಹದಿಹರೆಯದ ಮಕ್ಕಳಿಗೆ ರೋಮಾಂಚನ ನೀಡುತ್ತದೆ. ರಜೆ ಕಳೆದ ಮೇಲೆ ಶಾಲೆಗೆ ಹೋಗಲು ಹುಮ್ಮಸ್ಸು. ಈಗಂತೂ ಸುಮಾರು ಒಂದೂವರೆ ವರ್ಷದಿಂದ ಮಕ್ಕಳು ಶಾಲಾ- ಕಾಲೇಜಿಗೆ ಹೋಗಿಲ್ಲ. ಹೀಗಾಗಿ ಸಾಮಾಜಿಕ ಮಿಲನ ಸಾಧ್ಯವಾಗದ ಅವರಿಗೆ ಬೇಜರ ಕಾಡುತ್ತಿತ್ತು. ಈಗ ಮನೆಯಿಂದ ಹೊರಹೋಗಲು ಅವಕಾಶ ಸಿಕ್ಕಿರುವುದು ಅವರಿಗೆ ಸಂತಸ ತಂದಿದೆ. ಈ ಸಂತೋಷಕ್ಕೆ ಪೋಷಕರು ಅನುವು ಮಾಡಿಕೊಡಬೇಕಿದೆ.
ಈ ಸಾಂಕ್ರಾಮಿಕವು ಮಕ್ಕಳನ್ನು ವರ್ಚುವಲ್ ಆಗಿಸಿದೆ. ಸ್ನೇಹಿತರನ್ನು ಭೇಟಿ ಕೂಡ ಆನ್ಲೈನ್ ಆಗಿದೆ. ಆದರೆ, ಮುಖತಃ ಭೇಟಿ ಮಾಡಿ ಭಾವನೆ ಹಂಚಿಕೊಳ್ಳುವುದರಲ್ಲಿನ ಆತ್ಮೀಯತೆಯನ್ನು ಆನ್ಲೈನ್ ನೀಡುವುದಿಲ್ಲ. ಕೊರೊನಾ ಇದ್ದಕಾರಣ ಆನ್ಲೈನ್ನಲ್ಲಾದರೂ ಸಾಧ್ಯವಾಯಿತಲ್ಲ ಎನ್ನುವ ಕೊರಗನ್ನು ತುಸು ಕಡಿಮೆ ಮಾಡಿತು. ಆದರೆ, ಇದರಿಂದ ಸಾಮಾಜಿಕ ಮಿಲನದಲ್ಲಿ ಸಿಗುವ ಅನುಭವ ದೊರೆಯಲಿಲ್ಲ. ಜೀವನ ಕಲೆಗಳಲ್ಲಿ ಸಾಮಾಜಿಕ ಸಂಪರ್ಕವೂ ಅಗತ್ಯ. ಹೀಗಾಗಿ ಕೊರೊನಾ ಸಮಯದ ಮುನ್ನೆಚ್ಚರಿಕೆಯನ್ನು ಕೈಗೊಂಡು ಮಕ್ಕಳು ಸಾಮಾಜಿಕ ಚಟುವಟಿಕೆಯನ್ನು ನಡೆಸಲು ಪೋಷಕರು ಅವಕಾಶ ನೀಡಬೇಕು.
ಇದನ್ನು ಬಿಟ್ಟು ಮಕ್ಕಳನ್ನು ಮನೆಯಲ್ಲೇ ನಿರ್ಬಂಧಿಸಿದರೆ. ಮಕ್ಕಳು ಖಿನ್ನತೆಗೆ ಒಳಗಾಗುವ ಸಾಧ್ಯತೆ ಇದೆ. ಜತೆಗೆ ಸಂವಹನ ರೂಢಿ ತಪ್ಪಿ ಖಾಲಿತನ ಕಾಡುವ ಅಪಾಯ ಇರುತ್ತದೆ. ಸಾಮಾಜಿಕ ಅಭದ್ರತೆ ಉಂಟಾಗಬಹುದು. ಇದನ್ನಲ್ಲ ದೂರ ಮಾಡಲು ಭಾವಜೀವಿಯಾದ ಮಾನವನಿಗೆ ಸಾಮಾಜಿಕ ಸಂಹನ ಅಗತ್ಯ.
ಇದನ್ನೂ ಓದಿ: Schools start: ಇಂದಿನಿಂದದ 1-5ನೇ ತರಗತಿ ಶಾಲೆಗಳು ಆರಂಭ
Discussion about this post