ಮೆಲ್ಬೋರ್ನ್: ಇಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ-ಇಂಗ್ಲೆಂಡ್ ಬಾಕ್ಸಿಂಗ್ ಡೇ ಕ್ರಿಕೆಟ್ ಟೆಸ್ಟ್ ಗೂ ಕೊರೋನ ಕಾಲಿಟ್ಟಿದೆ. ಇಂಗ್ಲೆಂಡ್ ತಂಡದಲ್ಲಿ ಸಹಾಯ ಸಿಬ್ಬಂದಿ ಹಾಗೂ ತಂಡದೊಂದಿಗೆ ಬಂದಿರುವ ಇಬ್ಬರು ಕುಟುಂಬ ಸದಸ್ಯರೂ ಸೇರಿದಂತೆ ಒಟ್ಟು ನಾಲ್ಕುಮಂದಿಗೆ ಕೊರೋನ ದೃಢಪಟ್ಟಿದೆ. ಇದರಿಂದಾಗಿ, ಎರಡನೇ ದಿನದ ಆಟವನ್ನು ಅರ್ಧಗಂಟೆ ತಡವಾಗಿ ಆರಂಭಿಸಲಾಯಿತು.
ತಂಡದ ಆಟಗಾರರು, ಆಡಳಿತ ಮಂಡಳಿಯ ಸದಸ್ಯರು ಹೋಟೆಲ್ ನಿಂದ ಮೆಲ್ಬರ್ನ್ ಕ್ರೀಡಾಂಗಣಕ್ಕೆ ಹೊರಡುವ ಮೊದಲು ಬಲವಂತವಾಗಿ ಆರ್ ಟಿಪಿಸಿ ಪರೀಕ್ಷೆಗೆ ಒಳಪಡಿಸಲಾಯಿತು. ಈ ಸಂದರ್ಭದಲ್ಲಿ ಕೆಲ ಸಹಾಯಕ ಸಿಬ್ಬಂದಿ ಹಾಗೂ ಕುಟುಂಬವರ್ಗದವರಿಗೆ ಕೊರೋನಾ ಪಾಸಿಟಿವ್ ಎಂಬುದು ಖಚಿತಪಟ್ಟಿದೆ. ಮಿಕ್ಕಂತೆ ಎಲ್ಲ ಸರಿಯಾಗಿದೆ, ಯಾವುದೇ ಸಮಸ್ಯೆ ಇಲ್ಲ ಎಂದು ಹೇಳಲು 45 ನಿಮಿಷಗಳ ಕಾಲ ತೆಗೆದುಕೊಂಡಿದ್ದರಿಂದ ಆಟಗಾರರು ಕಾಯಬೇಕಾದ ಸ್ಥಿತಿ ಬಂತು. ಹೀಗಾಗಿ, ಇವತ್ತಿನ ಎರಡನೇ ದಿನದ ಆಟವನ್ನು ಅರ್ಧಗಂಟೆ ಮುಂದಕ್ಕೆ ತಳ್ಳಲಾಯಿತು. ಈ ಅವಧಿಯಲ್ಲಿ ಆಟಗಾರರಿಗೆ ವ್ಯಾಯಾಮ ಮಾಡಲು ಅವಕಾಶ ನೀಡಲಾಯಿತು.
ಕೊರೋನ ಪಾಸಿಟಿವ್ ಬಂದಿರುವ ವಿಚಾರವನ್ನು ಆಸ್ಟ್ರೇಲಿಯಾ ಕ್ರಿಕೆಟ್ ಮಂಡಳಿ ಸ್ಪಷ್ಟಪಡಿಸಿದೆ. ಇಂಗ್ಲೆಂಡ್ ತಂಡದ ಇಬ್ಬರು ಸಹಾಯಕ ಸಿಬ್ಬಂದಿ ಮತ್ತು ಇಬ್ಬರು ಕುಟುಂಬ ಸದಸ್ಯರು ಸೇರಿದಂತೆ ಒಟ್ಟು ನಾಲ್ವರಿಗೆ ಪಾಸಿಟಿವ್ ಬಂದಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಕೊರೋನ ಪೀಡಿತರನ್ನು ತಂಡದಿಂದ ಬೇರ್ಪಡಿಸಲಾಗಿದೆ. ಮುಖ್ಯವಾಗಿ, ಇವತ್ತು ಎರಡೂ ತಂಡಗಳ ಆಟಗಾರರನ್ನು ಕೊರೋನ ಪರೀಕ್ಷೆಗೆ ಒಳಪಡಿಸಿದ್ದು, ಎಲ್ಲರಿಗೂ ನೆಗೆಟೀವ್ ಬಂದಿದೆ ಎಂದು ಹೇಳಿಕೊಂಡಿದೆ.
ಕ್ರಿಕೆಟ್ ವೀಕ್ಷಕ ವಿವರಣೆ ಮಂಡಳಿ ಸೆವೆನ್ ನೆಟ್ ವರ್ಕ್ ಕೂಡ ಮೆಲ್ಬರ್ನ್ ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಿಬ್ಬಂದಿಗೆ ಕೊರೋನಾ ದೃಢಪಟ್ಟಿದ್ದರಿಂದ, ಕೊನೆ ಕ್ಷಣದಲ್ಲಿ ವೀಕ್ಷಕ ವಿವರಣಾಕಾರರೊಬ್ಬರನ್ನು ಬದಲಿಸಿರುವುದಾಗಿ ಹೇಳಿಕೆ ನೀಡಿದೆ.
ಇತ್ತೀಚೆಗಷ್ಟೇ, ಪಾಕಿಸ್ತಾನ-ವೆಸ್ಟ್ ಇಂಡೀಸ್ ನಡುವಿನ ಸರಣಿಯನ್ನು ಕೊರೋನಾ ಕಾರಣದಿಂದ ಮುಂದೂಡಲಾಗಿತ್ತು. ಈಗ ಬಾಕ್ಸಿಂಗ್ ಡೇ ಕ್ರಿಕೆಟ್ ನಲ್ಲಿ ಆಟಗಾರರು ಕೊರೋನಾ ಜೊತೆ ಸೆಣೆಸುವಂತಾಗಿದೆ.
ಇದನ್ನೂ ಓದಿ: Cricket: 2018-20ರ ಅವಧಿಯಲ್ಲಿ ಕ್ರಿಕೆಟ್‌ನಿಂದ ನಿವೃತ್ತಿ ಹೊಂದುವ ಬಗ್ಗೆ ಗಂಭೀರವಾಗಿ ಆಲೋಚಿಸಿದ್ದೆ: ಅಶ್ವಿನ್‌
(Boxing Day Test continues despite four members of the England touring party testing COVID 19 positive)
Discussion about this post